نظام هواوي الجديد هارموني او اس نظام يفرض نفسة بقوة لتولي الصدارة

شركة واوي تفجر مفاجاة قوية بخصوص نظام تشغيلها الجديد و ترقب عالمي للحدث

(  تعالوا نشوف حكاية  (نظام هواوي الجديد هارموني

نظام هواوي الجديد هارموني

 

لو عايز تعرف الحكاية بالظبط الفيديو دة هيوريك كل حاجة


نظام هواوي الجديد هارموني

 

للي مش متابع اخبار واوي هأشرح في دقيقة الي حصل علشان الي مكنش متابع الأحداث السابقة يكون معنا

الحرب التجارية بين امريكا والصين انعكست على شركة واوي  فطبعا كلنا سمعنا الخبر الي هز اوساط التكنولوجيا اما اعلن ترامب بمنع الشركات الأمريكية من التعامل مع واوي عملاق الهواتف الذكية @

في هذا التوقيت ردت واوي بكل قوة وقالت انها عندها نظام التشغيل الخاص بها الذي يغنيها عن نظام الاندرويد و النظام بتاعهاأفضل واسرع من الاندرويد علي كلمها

طبعا جوجل مسكتتش وأبلغت الإدارة الأمريكية أن الخطوة دي هتضر بمصلحة الامن القومي الامريكي علي اساس ان لو واوي استخدمت نظام خاص بها مش هيكون امن مثل انظمة الاندرويد وعند اتصال اجهزة واوي المحملة بهذا النظام باي هاتف في الولايات المتحدة هيشكل ضرر كبير امنيا مما سيعرض بينات الهواتف المتصلة مع اجهزة واوي بنظامها الجديد الي امكانية الوصول الي البينات التي عليها واختراقها

و ايضا وقف التعامل مع اكبر مصنع لاجهزة الهواتف سيضر باقتصاد الشركات الامريكية ضرر بالغ حيث ان شركة واوي بتشتري من الشركات الامريكية بمبلغ سنوي يتعدي ال ١١ مليار دولار

ونتيجة ضغط الشركات الامريكية علي الحكومة الامريكية تراجع ترامب عن قرارة بشان واوي في قمة العشرين واعلن ان الشركات الامريكية يمكنها البيع لشركة واوي الصينية 

دة كدا سرد سريع للقصة 

وبعد قرار امريكا اعلنت 

شركة واوي فجاة ان نظام تشغيلها التي اعلنت عنة غير مخصص لاجهزة الهواتف الذكية ودة لية احتمالين 

اولا ان يكون اعلانها عن  نظام التشغيل الخاص بها كان ورقة ضغط علي الشركات الامريكية خصوصا جوجل لارغام هذة الشركان علي مساعدتها في فك الحظر هنها 

وقد تم ذلك والموضوع كلة عبارة عن كلام فقط

الاحتمال الثاني : هو ان هواوي فعلا نجحت في صناعة نظام تشغيل قوي ولكنها بعد تراجع امريكيا تراجعت هي الاخري عن التهديد بة 

واعلنت انة غير مخصص للهواتف الذكية (نظام هواوي الجديد هارموني  )  علشان تهدي الجو

READ  مواصفات وسعر هاتف Xiaomi Mi 9T Pro شاومى وهاتفها الجديد شاومى مى 9T برو

          

بس فجاء في المؤتمر السنوي للمطوريين لهواي بالصين اعلنت عن نظامها الجديد و الي اطلقت علية اسم هارموني او اس النظام دة اول اسم لية كان هونج منج ولكن طبعا اسم هارموني اسهل بكثير من اسم هونج منج بس يبدو ان هونج منج هو المسمي الصيني لنظام التشغيل بداخل الصين و هارموني المسمي العالمي لة 

توقيت الاعلان عن نظام هارموني يتوافق مع التوقيت الي كانت ادارة ترامب قد حددتة مسبقا وهو شهر اغسطس الحالي لتنفيذ الحظر علي هواوي اي نعم ترامب في قمة العشرين اعلن بالسماح للشركات الامريكية بالبيع لهواوي ولكن اعلانة هذا كان شفوي ولم يتم اصدارة رسميا وبدات شائعات تقول ان الادارة الامريكية بتماطل في تنفيذ فك الحظر عن هواوي ودة الي خلي هواوي 

ترد بالاعلان عن نظام هارموني كي ترسل رسالة قوية لامريكا معناها انها لن تقف علي الشركات الامريكية وستستمر بالعمل 

تعالوا ناخذ فكرة عن نظام هارموني ونشوف هل هو فعلا نظام منافس ام لا

اهم حاجة اعلن عنها بخصوص هارموني او اس انة نظام يمكنة العمل علي كل الاجهزة من الساعات لشاشات السيارات و علي اجهزة  للاب توبو الهواتف يعني كدا بيحقق مفهوم الايكوسيستم بتاع ابل و الايكوسيستم بتاع ابل دة من افضل الانظمة الي شفناها بتتوافق مع بعضها و الي فيكم جرب الايكوسيستم بتاع ابل يعرف مدي قوتة 

فلو نظام هارموني دة اخذ من ابل قوة الايكوسيستم و بقي اامن من جوجل و اسرع بمقدار ٦٠ في المية يبقي كدا بقي نظام مرعب

لانة كدا هيتفوق علي النظامين الحاليين الموجودين في عالم الهواتف الي هما ال ios بتاع ابل و الاندرويد بتاع جوجل

المشكلة الي واجهت انظمة تشغيل اخري وماتت زي الويندزو فون هو عدم دعم المطورين لها بالتطبيقات 

واي نظام تشغيل بدون تطبيقات مصنعة لة ملهوش لازمة 

بس الموضوع هنا مختلف 

نظام هارموني دة نظام اوبن سويرس يعني اي شركات الهواتف الاخري ممكن تستخدمة لانة ليس نظام مغلق زي ابل

وبما ان الحرب التجارية بين امريكا و الصين مازالت قائمة فدة مخلي الشركات الصينية كلها تخشي من تكرار ما حدث لهواوي معها 

وبالتالي يهمهم انهم يحموا انفسهم من تكرار مسلسل هواوي معهم

طيب تخيلوا كدا ان شركة هواوي و ابو و شاومي اتحدوا مع بعض وقاموا باستخدام نظام هارموني علي هواتفهم بالمنظر دة المطورين هيحفزوا علي تطوير تطبيقات لنظام هارموني لان اتحاد هذة الشركات مع بعض في استخدام نظام واحد معناة ان ملايين المستخدميين  

فكلنا نعلم حجم هذة الشركات اد اية في سوق الموبيلات 

وانا اعتقد ان قريبا جدا هيتم تشغيل الهواتف بنظام هارموني و هيكون بداخل الصين الاول لان الصينيون متفرقش معاهم جوجل اصلا لانها محظورة عندهم فا كونهم يستخدموا نظام تشغيل مفيهوش جوجل او خدماتة مش هيفرق معاهم 

غير ان النظام الجديد هيمكن هذة الشركات من تقديم اجهزة ارخص علي اساس انهم غير مظطريين ان يدفعوا قيمة تراخيص نظام اندرويد لجوجل وايضا الصينيون عندهم الوطنية قوية جدا وهيدعموا شركاتهم الوطنية للنهوض بهذا النظام … وكلنا فاكريين حملات تكسير اجهزة ابل في الشوارع بالصين من قبل المواطنين ردا علي القرار الامريكي 

اقبال الصينين علي الهواتف التي تعمل بنظام هارموني

 هيخلي المطوريين يهتموا اكثر بتقديم تطبيقات لنظام هارموني 

غير كدا شركة واوي قالت انها طورت tool للمطورين يمكنهم بها تحويل التطبيقات الي تعمل علي نظام اندرويد الي نظام هارموني بسهولة كبيرة ودة طبعا اغراء كبير للمطوريين يعني مش هيتعبوا في برمجة التطبيقات من اول و جديد

ودة هيخلي هارموني ينتشر اسرع واسرع ولو الكلام دة تم بالسيناريو دة يبقي انتشار هارموني علي مستوي العالم هيكون الخطوة التالية لذلك 

وبكدا مش هيكون فية اندرويد و ios فقط لا هيكون عندك ٣ اختيارات لانظمة التشغيل 

اندرويد

Hos

هارموني

وكل ما زادت المنافسة بين الشركات كل ما دة كان في صالح المستخدم  لانك هتاخذ خدمة افضل بسعر اقل

تعالوا نعمل تصويت علي الكلام دة من خلال ال اي الي فوق ونشوف رايكم اية في الكلام دة و ياتري انت بتشجع انة نظام اندرويد ولا ios ولا هارموني التصويت دة هيكون مؤشر لنا بانة نظام الناس بترشحة

 

READ  عيوب ومميزات Infinix Note 5 Stylus الهاتف صاحب البطارية الاقوى

 

تم التحديث في - 2018.10.06

 

ولمزيد من التفاصيل عن الهاتف ومواصفاته الفنية اضغط هنا


مقالات اخرى تهمك

سعر ومواصفات Honor 8X الهاتف الاشهر والاقوى والاكثر انتشارا لعام 2018
Xiaomi Pocophone full review | مراجعة هاتف شاومي بوكوفون

 

 

 

7.3 Total Score

التصميم
8
الاستخدام
7
الاداء
7
Add your review  |  Read reviews and comments

We will be happy to hear your thoughts

Leave a reply

Your total score

المقارنه
  • Total (0)
قارن
0