مواصفات Samsung Galaxy FOLD بشرح مفصل وهل يستاهل 40.000 جنيه

التصميم – Design:

مواصفات Samsung Galaxy FOLD

التليفون ابعاده تجنن عامل 160.9 طول في عرض 117.9 وعمقه بيعمل حوالي  6.9 دى أبعاده
وهو مفتوح تعالوا بقى نشوف أبعاده وهو مقفول طوله مش هيتغير أكيد نفسه عامل 160.9
وعرضة 62.9 وعمقه 15.5 ومسكته حلوه اوى وهو  مقفول ومفتوح طبعا يجننن ونشوف وزنه
بقى لا وزنه مناسب مع كل الامكانيات دى وهو 263 جرام بجد يا جماعه
تصميمه اكتر من رائع ويستاهل المبلغ ده

الشاشة – Display :

مواصفات Samsung Galaxy FOLD

نتكلم بقى عن الشاشة ياجماعه الشاشة جايا من نوع Foldable Dynamic AMOLED يجنن وهمى
يا جماعه حاجه كده غريبه مساحتها عاملة 7.3 إنش ببكسلات 1536×2152 وكمان عرض الغطا
بتاع الجهاز 4.6 من نوع Super Amoled ببكسلات 720 × 1680
الموبايل ده من اكتر الموبايلات اللي لازم تكون معتني بيها جدا وانت بتستخدمه لدرجه مثلا
من ضمن الحاجات هنا أنك لو مسكت الموبايل ده وحطيت عليه ضفرك الشاشة الداخلية مسكتها
بضفرك ممكن تقطع الشاشة بضفرك الموضوع ده خطر طبعا هنا انت مينفعش تركب عليه
Secret protector مينفعش تركب عليها كفرات مينفعش تركب عليه اى حاجه الموبايل ده
من تفه اي حاجه هتبوظه الموبايل ده المفروض تكون رجل اعمال تركب عربيه فاهم لامبورجيني
بتروح بيها الشغل وبتروح بيها وتحطه كده فى المكان لامبورجيني اللى هو مش عارف هو فين
الحلو هنا أن سامسونج عارفين ان الجهاز ده غالى فعاملين حركة روشة اوى انك لو لا قدر الله
ان الشاشة اللى جوه دى لو باظت او اتقطعت او اتخرمت تقدر تصلحها لمدة سنة عن طريق
Samsung Car Plus اللى هو هتقدر تصلحها ب150 دولار فقط الجهاز ده زى ماقولنا سعره
تقريبا بالمصرى اول ما يدخل هيكون حوالي 40000 جنيه يعنى انت تقدر تصلح الشاشة
لوحدها حوالي بـ 4000 جنيه يعنى تقريبا نفس تمن لو هتدفعه فى S10 أو S10 بلس
كسرت شاشته هتصلحها بنفس الـ 4000 جنيه هتصلح ليها الفولد اللى هو ب3 اضعاف ثمنه تقريبا

الحساسات و المستشعرات –  Sensors:

 مواصفات Samsung Galaxy FOLD

بصمة التليفون بقى صاروخيه وبتيجي علي جنب التليفون وفيه كمان شويه مستشعرات
تانيين زى الدوران والتسارع والبوصلة عشان لو توهت تحدد مكانك فين وفيه كمان ان ممكن
تستخدمه زى واجهه كمبيوتر يعنى كانك ماشي بجهاز بجد ممتع جدا
وينفع اوى الناس اللى شغلها كله يحتاج جهاز او لاب يعنى تليفون بجد مهم
لرجال الاعمال واصحاب الشركات عشان يقدروا يتابعوا كل حاجه فى اى وقت

الاداء –  Performance:

 مواصفات Samsung Galaxy FOLD

نتكلم بقى شويه عن الأداء بيجي بنظام تشغيل اندرويد 9 باي من Snapdragon 855
بمعالج ثماني النواة Octa-core سرعته 1×2.84 جيجا هرتز
ووفرت سامسونج معالج الرسوم من نوع Adreno 640 يعنى تليفون هتلاقيه معاك سهل وسريع
مبيهنجش خصوصا لو حملت لعب تقيله زى Babji او call of Duty بجد تجربة ممتعه جدا
وانت بتلعب علي تليفون ده

الذاكرة و مساحة التخزين – Storage:

 مواصفات Samsung Galaxy FOLD

التليفون مساحته كبيره يعنى مش هتحتاج تركبله كارت ذاكرة خارجي ولو ان كان يفضل
ان سامسونج توفر الاوبشن ده فيه عشان ميبقاش ناقص فيه حاجه
مساحته الداخليه 12/512 جيجا بايت بجد مساحة هايلة تقدر تنزل
تطبيقات كتيرة والعاب من غير اى تهنيج للتليفون بجد اول مره تليفون ينزل
ب12 رام هيسهل عليك حاجات كتيره اوى

الكاميرا – Camera:

 مواصفات Samsung Galaxy FOLD

طبعا النقطه المهمه واللى كلنا بنستناها نجرب ونشوف تصوير كاميرات التليفون ايه اخبارها
التليفون فيه 3 كاميرات اول كاميرا الـ wide بتيجي 12 ميجابيكسل بفتحة عدسة f/1.5
وتانيه telephoto ب 12 ميجا بيكسل وفتحة عدسة f/2.4
وتالته بقي الـ ultrawide بتيجي 16ميجا بيكسل فتحه عدسة f/2.2 فيه طبعا وانت بتصور
الفلاش ليد هايل لا يعنى تصوير هيعجبك وتقدر تتمنظر بالصور على صفحات التواصل الاجتماعي
اما بقى عن تصوير السيلفى بردوا الكاميرا 3 عدسات واحده 10 ميحا بيكسل وفتحة العدسة f/2.2
وتانيه  8 ميجا بيكسل فتحه عدسة f/1.9 وتالته 10 ميحا بيكسل بفتحه عدسة f/2.2 يعنى من الاخر
اقدر اقولكم كاميرا حلوه بتصور كويس

البطارية – Battery:

بطارية التليفون 4380 ملي أمبير وكان متوقع ان تكون البطارية اعلى من كده بس معقوله
وتقدر تستخدمه طول اليوم لو استخدامك كويس عليه شحن سريع 15 وات الشاحن جوه العلبه
وتقدر تستخدم باور بانك تشحن بيه وهيبقى علي سرعه 9 وات للشحن

الالوان – Colors:

التليفون نزل بكذا لون وانا بصراحه فضلت اللون الاسود شكله وهم خرافه هيعجبكم اوووووى
بس نازل كمان بلون الفضي والاخضر والازرق كل واحد بقى علي حسب ما يميل
للون لكن انا فضلت الاسود تحسه كده بيدى فخامة للجهاز روعه

السعر- price:

الموبايل ده غالي جدا الموبايل ده تمنه يدخل لـ 40000 جنيه مصري التمن ده حقيقى
انت مجنون حد يشترى حاجه بالتمن ده انا مجنون تكنولوجيا بعشق حاجه اسمها تكنولوجيا جديدة
أيا كانت بقى هي مثلا كاميرا هى موبايل هى حاجات بتطير انا بعشق التكنولوجيا