اقوى مقارنة بين الايفون8 plus و الايفون XR

اهلا بيكم في فيديو جديد مع ياسر عزت.

لو معاك في حدود ال ٧٠٠ دولار يعني ١١٥٠٠ جنية مصري او ٢٦٠٠ ريال سعودي
يا تري تشتري ايفون ٨ بلس ولا ايفون اكس ار ؟
النهارده عملنا ليكم اقوى مقارنة بين الايفون8 plus والايفون ال XR

للاشتراك في قناة ياسر عزت للتكنولوجيا اضغط هنا

الفيديو ده هيفرجك على مقارنة بين ايفون xr و الايفون8 plus

التصميم – Design

بالنسبة الايفون8 plus.

دة يعتبر اخر موديل من الايفون بالشكل القديم الشكل دة كثير جدا بيحبوه و متمسكين بيه ا
ال 8 plus بيجي من وش و ظهر من الزجاج والزجاج بيخلي الألوان و وزن 202 جرام
ال 8 plus بيجي مقاوم للماء و الاتربة بتكنولوجيا ip67
بالنسبة لمقاومة الماء دي لغاية ١ متر عمق و التليفون ميفضلش في المية اكثر من ٣٠ د الجهاز ايضا بيجي بشريحة واحدة

نيجي بقي لل XR
ال xr وزنة بيجي ١٩٤ جرام يعني الفرق بينة وبين ال max حوالي ١٤ جرام
ايضا الوش و الضهر بيجوا من الزجاج مع إطار من الألومنيوم بيغلف الجهاز
وايضا بيجي بشريحة واحدة او شريحتين بالنسبة للنسخة الصيني
الحماية من المياه والأتربة هنا بتيجي بتكنولوجيا ip67 اقل من الماكس

بالنسبة للتصميم ال xr يمتاز بأنه نسخته الصينية تقبل شريحتين
وموضوع اكثر من شريحة في الايفون حاجة مهمة عند ناس كثيرة
و الايفون 8 plus يمتاز بوجود الهوم بيتون لمحبي الاستيل القديم

الشاشة – Display

الايفون8 plus.

بيجي بشاشة بنوعية IPS LCD
بمقاس 5.5 inch صغيرة نسبيا مع المقارن بـ XR وبنسبة استحواذ 67.4% من واجهة الجهاز
بيجي رزليوشن 1920 1080x
وبابعاد 16:9 مع كثافة بيكسلات 401 بيكسل لكل انش

الايفون xr
الايفون ال XR بيجي بشاشة IPS LCD بمقاس 6.1 inch وبنسبة استحواذ 79% من واجهة
الجهازبيجي ب رزليوشن828 1792x وبابعاد 19.5:9 مع كثافة بيكسلات 326 لكل انش

بالنسبة لشاشة الجهازين بيجوا من ال IPS LCD ولكن شاشة ال ايفون 8 plus بتمتاز برزليوشن اكبر وكثافة بكسيلات اعلي
ودا طبعا بيدي صورة اوضح و الجهاز بيجي من غير نوتش فا الروئية علي الشاشة هتكون وضحة بشكل كويس ال اكس ار الميزة الي فية انة بيجي بابعاد اكبر الي هي

19.5:9 بدل 16:9 الي بتيجي مع ال 8 plus .

الاداء – Performance.

الايفون8 plus.

بيجي مع نظام تشغيل ios 12 وقابل للتحديث للنسخ القادمة
بيجي مع معالج Apple A11 Bionic بمعمارية الـ10 نانومتر

الايفون ال XR

بيجي ايضا مع نظام تشغيل ios 12 وقابل للتحديث للنسخ القادمة
بيجي مع معالج(Apple A12 Bionic (7 nm
ودة يعتبر من أسرع المعالجات الي ابل عملتها حتى الآن

بالنسبة للاداء طبعا بلا شك ال XR يكسب لان المعالج هو اساس الجهاز و المعالج الاحدث و الاسرع بيحسن من الاداء
يبقي بالنسبة للجزئية دي ال XR يكسب بجدارة
بس خلي بالك من نقطة سرعات المعالجات بقت كبير جدا و بقت قوية قوي ف الفروق
بينها الفعلية وانت بتشتغل علي الجهاز مش هتكون محسوسة بالشكل الي انت متخيلة

الذاكرة و مساحة التخزين – Storage

الايفون8 plus.
الجهاز بيجي مع 3 جيجا بايت رام و مساحة تخزين داخلية 64 او 256

الايفون ال XR الجهاز بيجي مع 3 جيجا بايت رام و مساحة تخزين داخلية 64 او 128 او 256

وهنا فيه تعادل بين الجهازين بالنسبة للرام او مساحات التخزين

السيم كارد – Sim Card

ال XR بيمتاز ان نسختة الصينية فيها امكانية تشغيل خطين فلو انت من محبي استخدام اكثر من خط يبقي اكيد ال XR هيكون هو الاختيار الافضل لك
وده مش متاح فى الايفون ال8 plus

ف الافضل طبعا الجهاز اللى يقدر يشغل شرحتين وهوا ال XR

الكاميرا – Camera.

الكاميرا الخلفية

الايفون8 plus.

بيجي بكاميرا 12MP f1.8 wide and 12 MP f2.8 telephoto with 2X OPTICAL ZOOM

بينما الايفون XR
بيجي بكاميرا واحدة فقط خلفية 12MP f1.8 wide

لو انت من محبي التصوير اكيد طبعا وجود ٢ كاميرا في ال ايفون ال 8 plus هو اكثر احترافية من ال XR

الكاميرا الأمامية

بالنسبة للايفون ال 8 plus بيجي بكاميرا 7MP f2.2
اما الايفون ال XR فا بيجي بنفس الكاميرا

يبقي بالنسبة للكاميرا الامامية مفيش فرق.

وسائل الحماية والأمان- Protection

بالنسبة للايفون ال 8 plus بيشتغل معاة نظام fingerprint
بينما ال XR بيجي معاة Face ID ودة بيعتبر من اقوي انظمة الحماية الحديثة

البطارية – Battery

بالنسبة للايفون ال 8 plus
بيجي معاة بطارية من 2691 mAh مزودة بخاصية الشحن السريع بحيث يمكن ان تشحن الي 50٪ في خلال 30 دقيقة

بينما ال XR
بيجي معاة بطارية 2942 mAh وايضا البطارية هنا مزودة بخاصية الشحن السريع مثل 8 plus

هنا طبعا الكفة في صالح ال XR لان اولا البطارية اكبر ثانيا رزليوشن الشاشة و عدد البيكسلات في الإنش اقل من ال 8 plus
مما يقلل من معدل استهلاك البطارية وبالتالي يساعد في إطالة فترة الاستخدام

الالوان – Colors .

الايفون8 plus.
بيجي بمجموعة مختلفة من الالوان السيلفر و ذهبى الملوكى
بينما ال XR
بيجي بالوان اكثر و جميلة جدا زى الابيض و الاسود و الازرق و الاصفر و البرتقالي و الأحمر الداكن

سعر الزيرو – New.

بالنسبة لل 8 plus الزيرو

– النسخة الأولى 64 جيجا مع 3 جيجا رام بتيجى في مصر بحوالي 12,599.00 جنيه مصري .
– النسخة الثانية 256 جيجا مع 3 جيجا رام بتجى في مصر بسعر 15,498.99 جنيه مصري .

وفي السعودية بالنسبة للنسخة الأولى 64 جيجا مع 3 جيجا رام 2,709.00 ريـال سعودي
النسخة الثانية 256 جيجا مع 3 جيجا رام 3,199.00 ريال سعودي

اما بالنسبة لل XR اسعاره للزيرو
الهاتف متوفر للبيع في مصر بسعر للنسخة 128 جيجا فى مصر 14,649.00 جنية ,النسخة 64 جيجا .13,499.00 جنية
وفي السعودية للنسخة 128 جيجا .2,648.99 ريـال