افضل هواتف 2019 الفئه المتوسطه تحت ٣٠٠٠ جنيه | يوليو 2019
الفيديو دة فية الخلاصة كل الي انت عايز تعرفة عن الموبيلات تحت ال ٣٠٠٠ جنية
لو عايزه تشتري موبايل ومحتار تجيب ايه سلسلة الحلقات دي غرضها مساعدتك على اختيار احسن موبيل في ضوء الميزانية بتاعتك
هنقسم لك الموبايلات فئات سعرية و هنعرفك في كل فئة اية احسن اختيار واية الفرق بين الزيرو وكسر الزيرو وانة الاحسن
– Part2 الجزء الثاني من الفيديو
بعد ما نعمل مراجعة للموبيل بينزل في سحب علي اعضاء القناة الي كتبين رايهم عن المراجعة في كومنت تحت الفيديو …. تاكد انك مشترك معنا علي قناة اليوتيوب و مفعل زر الجرس علشان يجي لك اشعار بكل المراجعات الي بنعملها ولو لسة مشتركتش يمكنك الاشتراك عن طريق الضغط هنا
النهاردة هنمسك الفئات من ١٥٠٠ جنيه الي ٣٠٠٠ جنية
اما تيجي تشتري موبيل النهاردة هتلاقي نفسك تاية وسط مليون ماركة وسعر النهاردة هركز معاك علي المركات الي يفضل انك متطلعش عنها الحكاية لا حكاية مواصفات بس او حكاية سعر بس
انا عايز الماركة الي مواصفاتها كويسة ولو احتجت صيانة الاقي توكيل قوي واقف في ظهري
اهم حاجة اما تشتري موبيل تحدد هدفك اية اهم حاجة انت عايزها في الموبيل يعني مثلا
١- السوشيال ميديا و مشاهدة الافلام
٢- الكاميرا و التصوير
٣- الألعاب
٤- قوة البطارية
٥- كل حاجة
-
- لو اهم حاجة عندك السوشيال ميديا و مشاهدة الافلام يبقي انت يهمك شاشة كبيرة الونها كويسة و بطارية كبيرة
- لو التصوير هدفك …. النهاردة كل الموبيلات بتصور وكل ما ثمن الموبيل غلي كل ما الكاميرات الي فية بقي مستواها احسن والفرق بيبان في الكاميرات في جودة التصوير الليلي كل الكاميرات في ضوء النهار صورتها اوضح من بليل ولكن التليفون المزود بكاميرات متقدمة بتلاقي صورة بليل تحفة وكل فئة سعرية فيها تليفون ميز في الكاميرا اكثر من غيرة لان الفئات المتوسطة من التليفونات مش هيقدر يديك فيها كل حاجة مع بعض فا بتلاقي تليفون متميز في البطارية و اخر في الكاميرا و هكذا بينما في الفلاج شيب بتلاقي كل المزايا الشركة مجمعها في تليفون واحد احنا هنا في الفئة المتوسطة يبقي نركز في الحاجة الي تهمنا اكثر
- تليفونات الالعاب …….. كل التليفونات طبعا بتشغل الالعاب ولكن مش اي العاب تشتغل علي اي تليفونات الالعاب الخفيفة دي مقدور عليها اي تليفون يشغلها ولكن لو بنتكلم علي الالعاب الثقيلة يبقي المواصفات العالية للجهاز خصوصا سرعة المعالج و كمية الرامات عامل هام جدا في تشغيل الالعاب وايضا قوة البطارية وكبر وجودة الشاشة
- البطارية طبعا البطارية مهمة لكل الناس ولكن اكثر ناس تهمها قوة البطارية هما الي بيتحركوا كثير و مبيكونش مصدر شحن الكهرباء بالنسبة لهم سهل الوصول الية زي الطلبة و الموظفيين الي بيقدوا في المواصلات وقت كثير في الذهاب للدراسة او العمل كل يوم وبيحتاجوا تليفون يستحمل الالعاب و النت خلال الفترة دي الي ممكن تكون ساعتين رايح وساعتين جاي كل يوم
فا طبعا لو انت من النوع دة يبقي لازم تركز علي قوة البطارية اما تيجي تشتري تليفون وتكون عندك هي اساس الاختيار
ولو هتضحي بقوة البطارية علشان ميزة تانية يبقي اعمل حسابك تشتري باور بانك
- لو عايز كل الحاجات دي يبقي شخشخ جيبك وهات فلاجشيب فية كل احلامك وهنبقي نعمل حلقة كاملة عن احسن حاجة ممكن تناسبك في الفلاج شيب بس دة حسب طلبكم في الكومنتات
تعالو نشوف اول فئة من ١٥٠٠ الي ٢٢٠٠ جنية
الفئة دي كلها بها ٢ جيجا رام وسعة تخزين ١٦ جيجا
طبعا سعة التخزين صغيرة وكمان الرامات مش قد كدة
بس الفئة دي كويسة لو اننا هنستخدمها في مشاهدة افلام اليوتيوب او الفيس بوك و الواتس اب بالنسبة للالعاب هتشغل لك الالعاب الخفيفة بدون مشاكل ولكن الفئة دي منصحش بيها بالنسب للالعاب الثقيلة لانها عايزة تليفونات اقوي
علشان كدة انا شايف ان الفئة دي قوة البطارية مهمة جدا في اختيار التليفون لتحيق الغرض منة وهو المكالمات و الافلام و السوشيال ميديا
تعالو كدة الاول نتفرج علي بريف سريع بة مواصفات التليفونات الي بنقارنها وبعدين نشوف اية فيهم الانسب
ترتيب التليفونات هنا ترتيب عشوائي وليس مرتب حسب الافضل
عندنا في الفئة دي اول حاجة النوكيا 3.1 طبعا اسم نوكيا من الاسماء العريقة والي بتقدم منتج يعتمد علية وبجودة خامات محترمة
المعالج الي بيجي معاة بيكون ميديا تك Mediatek MT6750 (28 nm) و بيجي معاة كاميرتين خلفيتية و كاميرا امامية
بعد كدة عندنا Huawei Y5 Prime 2018
طبعا اسم هواوي من الاسماء الكبيرة في مجال الهواتف والي يخلي الواحد اما يشتري تليفون علية علامة هواوي بيكون مرتاح نفسيا انة هياخذ مواصفات محترمة النهاردة هواوي الشركة رقم ٢ في العالم في الترتيب فوق ابل و تحت سامسونج مباشرا في حجم المبيعات علي مستوي العالم
بعد كدا عندنا Samsung M10
سلسلة ال M من السلاسل الجديدة الي بتقدمها سامسونج علشان تنافس بيها في الفئة المتوسطة وطبعا اسم سامسونج غني عن التعريف من أكبر وأقدم العلامات ولكن مكنتش موجودة في الفئة دي بقوة قبل كدة ولكن الأمور تتغير الان و الملعب بيكبر
عندنا بعد كدا Realme C1
ودي علامة تمتلكها شركة ابو فا هتاخذ نفس كفائة وقوة اجهزة ابو ولكن تحت علمة جديدة اسمها ريل مي العلامة دي جاية تنافس في الفئة المتوسطة بقوة خد بالك التليفون الي بتقدمة في الفئة دي حطة في بطارية بسعة ٤٢٣٠ ملي امبير وتعتبر من اكبر سعات البطاريات في الفئة دي
واخيرا Xiaomi Redmi 7
طبعا اجهزة شاومي بقي ليها شهرة وشعبية واسعة في مصر و الجهاز دة بيجي ببطارية ٤٠٠٠ ملي امبير ومعالج سنابدراجون 632
