مراجعة جالاكسي نوت 10 لايت
لو اتكلمنا عن موبايل جالاكسي نوت 10 بلس فهو بلا منازع أفضل هاتف من سامسونج لعام 2019
بعد جالاكسي فولد طبعا لكن المشكلة أن سعره بيوصل لـ 20 ألف جنيه عشان كده سامسونج عملت
نوت 10 لايت بنفس مميزات نوت 10 بلس وسعر أقل من النص خلينا نتكلم عن الفرق بين الموبايلين
وهل نوت 10 لايت يستحق الشراء فعلا؟
للاشتراك في قناة ياسر عزت للتكنولوجيا اضغط هنا
أول حاجة هنتكلم عليها وهي الألوان وطبعا النسخة البلس فيها حركات وانعكاسات ضوء أكتر من النسخة
اللايت بالنسبة لمستشعر البصمة المدمج مع الشاشة في النسخة اللايت ممتاز جدا وبنفس كفاءة البلس
لو اتكلمنا عن الشاشة في النسخة اللايت 6.7 بوصة Super AMOLED بدقة 1080×2400 بيكسل
تدعم الـ HDR وسطوع ممتاز كعادة سامسونج في تقديم أفضل شاشات للموبايلات
بالنسبة للكاميرات الخلفية بتكون ثلاثية كل كاميرا منهم بدقة 12 ميجابيكسل الأولي بفتحة عدسة f/1.7
للتصوير العادي والتانية f/2.4 مع تقريب 2X والتالتة f/2.2 للـ Ultrawide طبعا في ظل المنافسة
مع موبايلات بكاميرات 48 ميجابيكسل و 108 ميجابيكسل وأرقام خرافية في الموبايلات الصينية
هل ده معناه أن كاميرا نوت 10 لايت وحشة؟ صحيح الموبايل من غير كاميرا ماكرو ومفيش عزل أثناء
تصوير الفيديو بس جودة الصور كانت خرافية بصراحة ممكن تلاحظ ضوضاء على خفيف لو الاضاءة منخفضة
غير كده مش هتواجهك أي مشاكل في التصوير العادي الـ Sharpness ممتاز والصور نقية جدا
لو اتكلمنا عن الكاميرا الأمامية فهي بتصميم الثقب وأصغر بكتير من موبايل زي A71 بدقة 32 ميجابيكسل
وتصوير جيد لكن برده نفس المشكلة هتلاحظ ضوضاء لو بتصور في اضاءة منخفضة
من الآخر الكاميرات بجودة فوق المتوسطة بالنسبة للسعر
خلينا نتكلم عن الأداء الموبايل مزود بمعالج Exynos 9810 بتقنية 10 نانومتر طبعا ده مش أفضل معالج
في الفئة السعرية بس هل هو ضعيف فعلا و هيهنج معاك لو بتلعب ألعاب محتاجة جرافيك عالي؟
مش بالظبط كده هو اه طبعا مش معالج سناب دراجون 7 نانومتر بس هتقدر تلعب معظم الألعاب الحالية
من غير أي مشاكل تجربتنا كانت مع لعبة Call Of Duty علي اعدادات High واشتغلت بكل سلاسة
من غير أي تهنيج أو تأخر استجابة ومع سعتين للرام 6 أو 8 جيجا أداء الموبايل معاك ممتاز
سواء كان ألعاب أو تعدد التطبيقات
طيب تشتري نوت 10 لايت ولا لأ؟ لو أنت من هواة قلم سامسونج يبقي من غير تفكير بحوالي 9000 جنيه بس
تقدر تشتري موبايل مزود بقلم من سامسونج فيه معظم مميزات قلم النسخة البلاس ولو أنت مش بتستعمل القلم
يبقى ننصحك بموبايل جالاكسي A71 أرخص شوية وبإمكانيات أعلي
مع تحيات أسرة سوق 555